MARAGA: 80
TSHIFHINGA: awara 21/ 2
GIREIDI 12
PFESESANI
Vhalani ndaela dzi tevhelaho nga vhuronwane ni sa athu u thoma u fhindula mbudziso:
Ni humbelwa uri ni vhale siaṱari iḽi nga vhuronwane ni sa athu u fhindula mbudziso.
Ni songo ḓidina nga u vhala bammbiri ḽoṱhe. ṱolani siaṱari ḽa Zwi re Ngomu ni swae nomboro dza mbudziso dzo ḓisendekaho kha bugu dze na guda ṅwaha uno.
KHETHEKANYO YA A: Vhurendi 
KHETHEKANYO YA B: Nganea 
Tevhedzelani ndaela dzo ṋewaho mathomoni a khethekanyo iṅwe na iṅwe nga vhuronwane.
Fhindulani mbudziso ṱHANU dzo fhelela: tharu kha KHETHEKANYO YA A, nthihi kha KHETHEKANYO YA B na nthihi kha KHETHEKANYO YA C. Shumisani mutevhe wa u sedzulusa uri ni wane thuso.
Thomani khethekanyo IṅWE na IṅWE kha siaṱari ·ISWA.
ṅwalani nga vhudele, nahone zwi vhaleaho.
Ndangatshifhinga yo anganywaho:
KHETHEKANYO YA A: minetse ya 40
KHETHEKANYO YA B: minetse ya 55
KHETHEKANYO YA C: minetse ya 55
ZWI RE NGOMU
KHETHEKANYO YA A: VHURENDI
Vhurendi ho randelwaho: Fhindulani mbudziso MBILI DZIṅWE NA DZIṅWE
NOMBORO
MBUDZISO
MARAGA
Mbudziso ndapfu
KANA
Tshirendo: Ro ṱangana
Mbudziso pfufhi
KANA
Tshirendo: Vhungoho
Mbudziso pfufhi
KANA
Tshirendo: Tshidakwa
Mbudziso pfufhi
NA
Vhurendi vhu songo randelwaho: Fhindulani mbudziso NTHIHI
Tshirendo: Lufu
Mbudziso ndapfu
KANA
Tshirendo: Lufu
Mbudziso pfufhi
KHETHEKANYO YA B: NGANEA
Fhindulani mbudziso NTHIHI*
Tshi ḓo lilwa
Mbudziso ndapfu
KANA
Tshi ḓo lilwa
Mbudziso pfufhi
KANA
Mbudziso ndapfu
KANA
Mbudziso pfufhi
KANA
Mbudziso ndapfu
KANA
Mbudziso pfufhi
Fhindulani mbudziso NTHIHI
Ha u tsa ndi ha u gonya
Mbudziso ndapfu
KANA
Ha u tsa ndi ha u gonya
Mbudziso pfufhi
KANA
Mbudziso ndapfu
KANA
Mbudziso pfufhi
PFESESANI: Kha KHETHEKANYO YA B na YA C, fhindulani MBUDZISO NDAPFU NTHIHI na MBUDZISO PFUFHI NTHIHI.
MUTEVHE WA U SEDZULUSA
Ivhani na vhuṱanzi ha uri no fhindula mbudziso dzoṱhe nga u vhea luswayo kha uyu mutevhe wa u sedzulusa:
KHETHEKANYO
MBUDZISO
TSHIVHALO TSHA MBUDZISO TSHO TEAHO
A: Vhurendi
Tshirendo tsho randelwaho
A: Vhurendi
Tshirendo tshi songo gudelwaho
B: Nganea
Mbudzdiso ndapfu kana mbudziso pfufhi
Mbudzdiso ndapfu kana mbudziso pfufhi
PFESESANI: Kha KHETHEKANYO YA B na ya C, fhindulani MBUDZISO NDAPFU NTHIHI na MBUDZISO PFUFHI NTHIHI.
KHETHEKANYO YA A: VHURENDI
Fhindulani mbudziso MBILI kha N¸A dzo vhudziswaho.
VHURENDI HO RANDELWAHO/GUDELWAHO
MBUDZISO 1 (Mbudziso ndapfu)
Vhalani tshirendo tshi tevhelaho nga vhuronwane ni kone u fhindula mbudziso yo vhudziswaho:
Tshi ngafhi tshiangaladzi tsha khumbudzo
I ngafhi mihuvho ya phululedzo na thendo i ngafhi dzadza ḽa u moṋa biko
Kha mbokoti iyi yo milwaho nga mavu
Mavu a ḽa zwiṋu nangoho
Thumbu ya Swongozwi yo fura malofha a muhali
A lwa a kunda vhatshena henengei Schoemansdaal
Tshirengululi tsha mbofholowo ndi iwe Makhado
Vhaalameli vhao nga hu vhe riṋe.
Sengulusani tshirendo itshi ni tshi sumbedza nḓila ye murendi a shumisa ngayo maipfi u bveledza thero ya tshirendo.
KANA
MBUDZISO 2 (Mbudziso pfufhi)
Vhalani tshirendo tshi tevhelaho nga vhuronwane uri ni ḓo kona u fhindula mbudziso dzo ḓisendekaho khatsho:
Nṋe na inwi
Ro ṱangana ndi songo humbula
Mbilu dzashu dza angana
Dza vha mbilu nthihi
Dzo vhoxwa nga lufuno
Ra hoṱola roṱhe.
Lwendoni ri tshimbila ro hakana
Ri tshi posa maga khathihi
Ri tshi swika murunzini ra awela roṱhe
Ri tshi takuwa ra takuwa roṱhe
Hu si na luṅwe lunako lu nkambaho
Nda farwa nga nḓala ni a ntikela khali
Nda farwa nga ḓora ni a nkela maḓi
Nda farwa nga duda ni a nkota
Nda dzhenwa nga mbiti ni a nkhuthadza
Wanga muya wo fhola
Ri ḽa ndilo nthihi
Ri kuvhatedzana nguvho nthihi
Ri amba nga ipfi ḽithihi
Tshirendo itshi ndi tsha lushaka-ḓe?
Ndi vhonnyi vho ṱanganaho afha?
Ipfi 'nkota' ḽo shumiswaho kha vese 15ṋ ḽi khou amba mini?
Ndi muhumbulo ufhio une ra u wana kha ndima 4?
Vhuḓipfi ha murendi ndi vhufhio? Tikedzani.
Zwine murendi a khou amba tshirendoni itshi zwi a tendisea na? Tikedzani.
ṱalutshedzani nḓila ye murendi a shumisa ngayo luambo kha vese 21 - 22.
KANA
MBUDZISO 3 (Mbudziso pfufhi)
Vhalani tshirendo tshi tevhelaho nga vhuronwane uri ni ḓo kona u fhindula mbudziso dzo ḓisendekaho khatsho:
Vhungoho ndi bako mukuvhatedzi
Ndi nguvho ya phila
I dzumbetshedzaho vhuthu ya vhu serisa
Fhasi ha magovha matswu ha dadamala
Vhuthu ha ima he dzi!
Vhungoho ndi murunzi wa tshinaḓa
Murunzi u sa fhisi u sa rotholi
Ndi dzhavhelo ḽa hoṱhe vhuthu
Ho xedza yoṱhe ngelekanyo vhutshiloni
Vhuthu ho farwaho nga nḓaḓo
Vhungoho ndi dzhavhelo ḽi sa wi
Ndi tombo ḽi sa tseki
Nge mudzi waḽo wa shanduka munanga
Pharani dza dzithombo dza sunguvhela
Vhungoho ndi tshiguru tshi sandwaho
Nga wa mbilu yo furaho tshimbevha
Nga u haṋwani ha dzulela u ṱhakha
Sa khali ya tshisese
Vhungoho ndi musevhe u pfulaho zwihulu
U kundaho na diabolo u ima
Nga vhutulu ha sia ḽa bulayo
Kha we nḓilani a ima
A tshi lingedza u thivha mulambo tshanḓa
Murendi u amba nga ha mini tshirendoni itshi?
Ndi tshivhumbeo-ḓe tsha tshirendo tsho bveledzwaho nga ndima 1 no sedza dzivese/mitala yatsho?
Bulani dzina ḽo bulwaho ḽi tshi bva Bivhilini ḽine murendi a sumbedza u khwaṱha ha vhungoho.
Ndi vhafhio vha sandaho ngoho?
Muhumbulo muhulwane wa tshirendo itshi ndi ufhio?
Ndi zwone na zwine murendi a ri 'Vhungoho ndi musevhe u pfulaho zwihulu'? Tikedzani.
Inwi ni vhona vhungoho sa tshithu-ḓe?
KANA
MBUDZISO 4 (Mbudziso pfufhi)
Vhalani tshirendo tshi tevhelaho nga vhuronwane uri ni ḓo kona u fhindula mbudziso dzo ḓisendekaho khatsho:
Vhutshilo hau vhu nga ha luṱhweṱhwe vhulimboni
Naho wa sinḓwa mutulini wa mavhele
Vhutshilo hau a vhu nga guvhuwi
Nge mathada a u ḓela sa zwitshele zwa muumba
Ngavhe u vhe khundavhalai i shayaho mudengu
Ha nga u konana na dziphombwe u lusa ndaka
¸ayo dzau wo dzi rea nga tshikwekwe
Wa nga tsilu ḽi bulaho zwoṱhe zwa mbiluni
Nge wa hangwa vhuṱoma hau
Vhunga nyambo dzau hu zwiombo ngomani
Ngavhe mulomo wau u tshi ambela mbevhevhe
U lwela vha tsikuni na vhashai
U nga magungwa a vhashai o nwela khothe
Iwe tshidakwa u vhusaho vhaṱoma
U nga ndau i vhombaho ya phanzhe
Vhunga ṱhamu na tsole zwi tshi iledza vhuṱala
Nge muvhuso wau wa tshimbila nga thongatserekanyo
Vhutshilo hau ndi khangala khanganyise
Vuluvulu ḽo fa nga vhuhwavho.
Tshirendo itshi ndi tsha lushaka-ḓe?
Ipfi 'khundavhalai' kha vese 5 ḽi amba mini?
Ndi muhumbulo ufhio une murendi a ṱoḓa u u bveledza nga vese 17 na 18?
¸eani muhumbulo muhulwane une murendi a ṱoḓa u bveledza nga ndima 1.
Vhuḓipfi ha murendi ndi vhufhio tshirendoni itshi? Tikedzani.
ṱalutshedzani ndivho ine murendi a tama ni tshi i swikela tshirendoni itshi.
Figara ye murendi a i shumisa kha vese 1 i kwama hani kupfesesele kwaṋu kwa itshi tshirendo?
NA
VHURENDI VHU SONGO GUDELWAHO/RANDELWAHO
MBUDZISO 5 (Mbudziso ndapfu)
Vhalani tshirendo tshi tevhelaho uri ni ḓo kona u fhindula mbudziso dzo ḓisendekaho khatsho.
Vhuongelo ho fhaṱwa.
Dzikereke dzo fhaṱwa.
Zwoṱhe zwo fhaṱelwa u dzula iwe.
Lufu, u ofhiwa nga vhoṱhe:
Vhoṱhe vhane vha si u ḓivhe vhungomu hau;
Vhoṱhe vhane vha si kone
Vhutulu ho fhomiwaho kha vhura hau,
Ane a rungwa nga luvholela.
U rungwa nga vhutshilo.
ṱalutshedzani nḓila ye murendi a shumisa ngayo zwiga zwa u vhala kha u ṱuṱuwedza ṱhalutshedzo ya tshirendo itshi.
KANA
MBUDZISO 6 (Mbudziso pfufhi)
Vhalani tshirendo tshi tevhelaho uri ni µo kona u fhindula mbudziso dzi ḓisendekaho khatsho:
Vhuongelo ho fhaṱwa.
Dzikereke dzo fhaṱwa.
Zwoṱhe zwo fhaṱelwa u dzula iwe.
Lufu, u ofhiwa nga vhoṱhe:
Vhoṱhe vhane vha si u ḓivhe vhungomu hau;
Vhoṱhe vhane vha si kone
Vhutulu ho fhomiwaho kha vhura hau,
Ane a rungwa nga luvholela.
U rungwa nga vhutshilo.
U ya nga ha murendi, lufu lu hoṱhe-hoṱhe. Bulani tshithu tshithihi tsho fhaṱelwaho u dzula lufu.
Ndi ngani lufu lu tshi ofhiwa nga vhathu?
ṱalutshedzani zwine murendi a ṱoḓa u ri vhudza zwone nga ndima 2(vese 4 - 7).
Ndi tshiga-ḓe tsha vhurendi tsho shumiswaho kha vese 4?
Murendi u ṱoḓa u ri vhudza mini nga ipfi ''luvholela'' kha vese 11?
Ndi figara-ḓe ya muambo yo shumiswaho kha vese 11, nahone murendi o i shumisa u bveledza muhumbulo ufhio?
Murendi u dzhia lufu sa tshithu-ḓe?
ṱHANGANYELO YA KHETHEKANYO IYI YA A:
NA
KHETHEKANYO YA B: NGANEA
Fhindulani mbudziso NTHIHI kha khethekanyo iyi.
MBUDZISO 7 (Mbudziso ndapfu)
TSHI ¶O LILWA - NE PHASWANA
Sedzulusani nḓila ye siangane na fhethuvhupo zwa thusedza ngayo kha u bveledza thero ya bugu iyi.
KANA
MBUDZISO 8 (Mbudziso pfufhi)
TSHI ¶O LILWA - NE PHASWANA
Vhalani tshipiḓa tsha mafhungo tshi bvaho buguni iyi uri ni ḓo kona u fhindula mbudziso dzi no tshi tevhela:
Ndi vho kona u zwi vhona zwino. Zwikolodo hafha muḓini zwi tou tshatshama sa nnda kha tshirahadonngi tsho anewaho ḓuvhani; ngoho, zwi tou vha zwone zwiendangankhunyu nga khaladzi. Ndi ḓo ri a zwo ngo ralo ngani; he, ḓaṋu mmbudza; zwoṱhe zwine ra vha nazwo ndi zwikolodo fhedzi. Zwiambaro zwashu khathihi na zwa vhana, zwi kha ḓi badelwa. Ni ri zwi a ṱanzwa mbilu ya muthu zwenezwi. Masofa aya e ra dzula nṱha hao, ndi tshikolodo tshiṋu. A zwi hanedzwi ro tou nṱha ha zwikolodo tshanzha! Tshiṱofu khathihi na ṱafula na theḽevishini, a ri tsha vhuya ra kha ḓi zwi amba; ndi ndima ine ya kha ḓi tou bva u randwa. Nnḓu yone tshi tou vha tshikolodo tsha vhutshilo ...'' Vho-Emeḽi vha mbo ḓi vha dzhena haṋwani; ''Vha songo hangwa goloi na tshelede ya vhana ya tshikolo ngei Capricon, Pietersburg hune ra kha ḓi koloda na ya ṅwedzi wo fhiraho''.
Bulani dzina ḽa muambi wa aya mafhungo na vhushaka hawe na muambiwanae.
Afho mafhungoni hu khou ambiwa nga ha mini? ¸eani tshiitisi tsho ṱuṱuwedzaho nyimele iyi.
Aya mafhungo vha khou a amba vhe ngafhi?
Ndi nnyi a sumbedzaho u sa vhilaedzwa nga zwine zwa khou ambiwa?
Vhana vha vhaambi avha vha dzhena tshikolo ngafhi, nahone inwi ni vhona unga a nga vha e nnyi o itisaho uri vha ye tshikoloni itsho?
Sumbedzani kutshilele ku sa fani kha vhutshilo ha avha vhavhili.
Ndingedzo dzo moḓaho/dzi songo tsha shumaho dze vhaambi avha vha lingedza u dzi ita uri vha ḓibvise kha nyimele ine vha vha khayo ndi dzifhio? ṱalutshedzani mbili.
Vho-Luvhone vho vha vha si tshigevhenga. Ni a tendelana kana u hanedzana na ḽikumedzwa iḽi? Tikedzani phindulo yaṋu.
ṱalutshedzani masiandaitwa ane a bvelela kha muthu nge a ḓidzhenisa kha zwa vhugevhenga.
Vhupfiwa haṋu ndi vhufhio kha zwe zwa bvelela kha Vho-Luvhone musi bugu i tshi fhela? Tikedzani.
KANA
MBUDZISO 9 (Mbudziso ndapfu)
Sedzulusani nḓila ye siangane na fhethuvhupo zwa ṱuṱuwedza ngayo kubveledzele kwa thero buguni iyi.
KANA
MBUDZISO 10 (Mbudziso pfufhi)
Vhalani tshipiḓa tshi tevhelaho tsho bviswaho buguni iyi uri ni ḓo kona u fhindula mbudziso dzi no tshi tevhela:
Mulandu u mini iwe mufunzi wanga ṅwana wa muzwala wa mme anga?''
Nga muthu o takalaho zwavhuḓi, ndi nnyi onoyo?
Vha tshi ralo vho vha vha tshi khou givha-givha fhasi nga tshiṱiki tshe vha fara nga tshanḓa tshauḽa khathihi na u dzungudza ṱhoho. Ho ḓo fhela tshifhinga vhuvhili havho vho sokou duu, vho lavhelesana zwifhaṱuwo.
Uyu mufhindulano u vhukati ha nnyi na nnyi?
Vhathu avho vho vha vha tshi khou bva ngafhi, nahone u ita mini?
Bulani dzina ḽa muthu we a sukumedzela muambi wa aya mafhungo tshaloni.
Mbulungo iyo yo vha i tshi khou bvelela ngafhi?
Vhaambi vha mafhungo aya vho vha vha tshi khou bva u senga mulandu wa nnyi, nahone wo vha u mulandu wa mini?
Kutshilele kwa vhaambi vha aya mafhungo ku fana ngafhi?
ṱalutshedzani uri ndi ngani muhwelelwa a songo wanala mulandu.
ṱalutshedzani zwithu zwe zwa ita uri vhaambi vha mafhungo aya vha vhenge Vho-Lugisani.
Vhambedzani nḓila ine Vho-Lugisani na Vhavenḓa vha fhambana ngayo kha kutshetshelwe kwavho kwa mafhungo kana milandu.
ṱalutshedzani nga ha masiandaitwa e a bvelela kha vhathu vhe vha vha vha tshi vhenga Vho-Lugisani.
Ni ḓipfa hani nga masiandaitwa enea?
Muhumbulo we Vho-Lugisani vha u bula wa uri vhaṱhannga vha fanela u guda u reila inwi ni vhona u wavhuḓi? Tikedzani.
KANA
MBUDZISO 11 (Mbudziso ndapfu)
Sedzulusani nµila ye siangane na fhethuvhupo zwa thusedza ngayo kha kubveledzele kwa thero buguni iyi.
KANA
MBUDZISO 12
Vhalani mafhungo a tevhelaho uri ni ḓo kona u fhindula mbudziso dzo ḓisendekaho khao:
TSHIPI¶A 1
Vhone musadzi vha a ḓivha vha a ḓiambadza maṱari masiari tshivhangalala! Vha ri mmbwa yo wanalaho giratshini yashu? A thi ri ndi phele yavho ine vha lala vha tshi gadisa ngayo vhusiku riṋe ro lala? Nṋe ndi khou ri ndi ḓo vha vhidzela ṅwana wanga a ḓa na makhomorethe a henengei ha Zulu hune a dzhena hone tshikolo. Ndi ri a ḓo fhisa muthu maṱo hayo ane a nga a tshilumaṋamana a fa o rondolowa.''
TSHIPI¶A 2
Zwino nṋe ndi khou vhona hei miṱodzi yoṱhe ye vhathu vha shingizhela i tshi tou vha mufhululu wa uri o shuma. Ndi ya u fhululedza kha nndwa ye vhone vhavhili a vha lwela. Nṋe ndo rali ndo sokou phirimela birimani ngeno tshine nda khou fela tshone hu si na. Vhone vha khwiṋe ngauri vho vhuelwa. Zwanga zwi a pfisa vhuṱungu. Ndi khou fela felo sa bete ḽi tshi wela mutukuni.''
Muambi wa mafhungo kha Tshipiḓa 1 ndi nnyi, nahone o vha a tshi khou amba na nnyi?
Uyu 'ṅwana wanga' ane a khou ambiwa afha ndi nnyi, nahone ndi tshini tshi itisaho uri vha pfe vha na fulufhelo ḽa uri a nga vha thusa?
Mafhungo a uri mmbwa a si 'mmbwa' ndi 'phele', muambi uyu o a wanafhi?
Hone mmbwa yeneyo yo vha yo dzhena hani giratshini?
Bulani vhathu vhane vha khou ambiwa navho kha Tshipiḓa 2.
Kutshilele kwa muambi wa Tshipiḓa 1 na wa Tshipiḓa 2 kwo fhambanafhi?
ṱalutshedzani nḓila ye hezwi zwa 'u fela dambwa' zwa itea ngayo kha hoyu muaanewa ane muambi a ri 'ṅwana wanga' hafha mafhungoni e na vhala.
Hoyu 'ṅwana wanga' ane a khou ambiwa nangoho ndi muthu wa u sokou wela-wela zwithu. Tikedzani fhungo iḽi.
ṱalutshedzani zwo itisaho uri ngoho yoṱhe ya mafhungo a mmbwa i bvele khagala ngei khothe.
Vhambedzani nḓila ine muambi wa Tshipiḓa 2 a fhambana ngayo na ṅwana wawe kha kuvhonele kwa mafhungo.
ṱalutshedzani nga ha masiandaitwa e a bvelela kha ṅwana wa muambi wa Tshipiḓa 1.
Kuambele kwa muambi wa Tshipiḓa 2 ku bvukulula vhuḓipfi-ḓe? Sumbedzani arali ni tshi ima navho kana ni sa imi navho kha zwine vha khou amba.
ṱHANGANYELO YA KHETHEKANYO IYI YA B:
NA
MBUDZISO 13 (Mbudziso ndapfu)
HA U TSA NDI HA U GONYA - LL MAFENYA, NA MILUBI
KANA
MBUDZISO 14 (Mbudziso pfufhi)
HA U TSA NDI HA U GONYA - LL MAFENYA, NA MILUBI
Vhalani tshipiḓa tshi tevhelaho tsho bviswaho buguni iyi uri ni ḓo kona u fhindula mbudziso dzo ḓisendekaho khatsho:
Wanani:
Kani:
Wanani:
Kani:
A tshi ambela fhasi. Havha munna vho vhumbea nga nḓila i fushaho. Idzanu sedza khana yavho, mahaḓa avho na musi vho ambara vha fanelwa. Tshifhaṱuwo u nga vhuya wa ri vha ṱamba nga mafhi. Havha munna vha 'sexy' ni a ḓivha?
Kani ni khou vha ṱoḓa? (U a mwemwela.)
Ndi kale ndi tshi khou vha ṱoḓa. Ndi khou vha ṱoḓa holuḽa lune a thi fulufheli uri vha ḓo mmbalela.
Inwi iṱali ni a balelwa nga muthu naa? Ni tou vha ṱereṱere ḽi no tupula na midzi.
Wanani na Kani afha vha khou amba nga ha nnyi, vhe ngafhi, nahone hu tshi khou itwa mini?
Ndi mini zwi kungaho Wanani kha avha munna vhane a khou amba nga havho?
Vhambedzani kutshilele kwa Kani na kwa Wanani.
Bulani zwo iteaho rumuni ya Wanani musi havha muambiwa vho vhidzelwa ngomu.
Ndi zwifhio zwe Vho-Funani vha vha vha sa zwi ḓivhi nga ha Wanani ngeno zwi tshi ḓivhiwa nga mufumakadzi wavho na shango ḽoṱhe?
Ndi tshini tsho itisaho uri Vho-Funani vha ḓiwane vha tshi khou nwa waini nahone masiandaitwa a zwenezwo o vha afhio?
Fhindulani mbudziso dzi tevhelaho nga Ee kana Hai ni dovhe ni tikedze:
U ya nga ha Kani, u nwa kholoḓirinngi ndi u ḓiita muthu wa fhasi.
Inwi ni lila na Vho-Funani kha zwe vha ṱangana nazwo? Tikedzani.
Arali no ḓiwana ni kha nyimele ye Vho-Funani vha vha vha vhe khayo ngei hodelani, no vha ni tshi ḓo ita mini?
KANA
MBUDZISO 15 (Mbudziso ndapfu)
KANA
MBUDZISO 16 (Mbudziso pfufhi)
Vhalani tshipiḓa tshi tevhelaho tsho bviswaho buguni iyi uri ni ḓo kona u fhindula mbudziso dzo ḓisendekaho khatsho:
Vho-Bukuṱa:
Ntshengedzeni:
Vho-Bukuṱa:
Ntshengedzeni:
Vho-Bukuṱa:
Vho no fhedza zwe vha vha vha tshi khou ita zwone Zwino a si zwenezwi ndo fhedza. Zwenezwi ndi pfe mme au vha tshi khou zwi ḓivha. Nda vhuya nda tou zwi pfa vha tshi khou zwi ḓivha, kale wo vhulungiwa wa shona. A zwi vhudziwi muthu hezwi. Ndi tshiphiri tshashu ri vhavhili. U khou zwi pfa?
A tshi khou lila Ndo zwi pfa.
Wa vhuya wa tou zwi vhudza muthu u zwi ḓivhe zwauri ndo u vhulaha kale.
Bulani vhushaka vhu re hone vhukati ha Vho-Bukuṱa na Ntshengedzeni.
Ndi ngani Ntshengedzeni a tshi khou lila?
Nga nyambo yavho, ni vhona Vho-Bukuṱa vha muthu-ḓe?
Kha Tsumbedzo na Ntshengedzeni, Vho-Bukuṱa vha funesa ufhio? Tikedzani.
ṱalutshedzani zwe zwa bvelela vhukati ha Vho-Bukuṱa na Ntshengedzeni.
Ndi zwifhio zwe zwa vha zwi tshi khou bvelela muḓini wa Vho-Bukuṱa zwe Vho-Takalani vha vha vha sa zwi ḓivhi?
Bulani masiandaitwa e Vho-Bukuṱa vha ṱangana nao nga zwe vha ita.
Fhindulani mbudziso dzi tevhelaho nga Ee kana Hai, ni dovhe ni tikedze:
Ntshengedzeni u na tshikhuna.
Muofhe o vha a tshi funa Ntshengedzeni.
Inwi ni a lila na Vho-Bukuṱa kha tshigwevho tshe vha ṱangana natsho? Tikedzani phindulo yaṋu.
Arali inwi no vha ni tshi khou ḓiwana ni kha nyimele ye Ntshengedzeni a vha e khayo no vha ni tshi ḓo ita mini?
ṱHANGANYELO YA KHETHEKANYO IYI YA C:
